फेसबुकमा भिडियो च्याटिङ सुरु हुँदै, गुगलको पनि नयाँ सेवाको तयारी

गुगलसँग प्रतिस्पर्धाका लागि चालिएको एक कदमको रूपमा हेरिएको एक नयाँ प्रविधिका रुपमा फेसबुकले पनि भिडियो च्याटिङको सुविधा छिट्टै उपलब्ध गराउने भएको समाचार छ । फेसबुकको जस्तै अर्को विश्व विख्यात साईट गुगलले पनि गुथल प्लस नामको अर्को एवं नयाँ साईट थाल्ने भएको घोषणा यस अघि नै गरिसकेको छ । गुगल प्लसमा भिडियो च्याटको पनि सुविधा रहेको बताइएको छ ।
फेस बुकले यो नयाँ सेवा सुरु गर्नकाल लागि स्काइपबीच साझेदारी भएको समाचारमा जनाइएको छ । दुबैले केही शीघ्र सन्देशका लागि केही औजारहरुको उपयोग गर्दछन् ।
यो वर्षको सुरुमा माइक्रोसफ्टले स्काइपलाई किनेको थियो । स्काइपमा फेसबुकको पनि हिस्सा रहेको छ तर कानुनीरूपमा यो सम्झौता अभैm पूरा भएको छैन ।
नयाँ भिडियो च्याटको सुविधा घोषणा गर्दै फेसबुकका संस्थापक मार्क जुकरबर्गले अहिले फेसबुकको उपयोग गर्नेहरूको सङ्ख्या ७५ करोड पुगेको घोषणा गर्नुभयो ।
यद्यपि उहाँले सक्रिय मानिसहरूको सङ्ख्या अब साइटको सफलताको उपयोगीस्तर नबनेको बताउनुभयो । उहाँले यसबाट फेसबुकका सदस्यहरू आपसमा कति तस्बिर, भिडियो लिङ्क र वेब लिङ्कको उपयोग गरिरहेका छन् भन्ने बारेमा सफलताको धेरै सङ्केत प्राप्त हुने बताउनुभयो ।
फेसबुकको भिडियो च्याटको प्रविधिअनुसार यो कुराकानी दुई व्यक्तिबीचमा सम्भव हुनेछ तर गुगलको तर्फबाट भने यो सुविधा एकै पटकमा धेरै मानिसहरूबीच सम्भव हुने बताइएको छ । रासस/एएफपी