कामुकतामा अष्ट्रेलियनहरु भारतीय भन्दा अगाडि

भारतीय पुरुष तथा महिलाहरु जीवनकालभरि औसतमा ६ जनासँग शारिरीक सम्पर्क राख्ने कुरा एक सर्वेक्षणले देखाएको छ । राष्ट्रिय कन्डम सप्ताहको अवसरमा भारतमा हालै गरिएको एक सर्वेक्षणले यो तथ्यांक सार्वजनिक भएको हो । सर्वेक्षणमा चारमध्ये एक भारतीइ पुरुषले आफ्नो अफेयरको बारेमा स्विकारेका छन् । सो सर्वेक्षणले केबल १२ प्रतिशत भारतीय पुरुषहरुले मात्रै बेडरुममा आफ्नी श्रीमतीसँग पूर्ण सन्तुष्ट भएको बताएका छन् । सर्वेक्षणले भारतको तुलनामा अष्ट्रेलियन पुरुषहरु निकै कामुक हुने देखाएको छ । अष्ट्रेलियन पुरुषहरुले जीवनकालभरिमा औसतमा २४ महिलासँग यौनसम्पर्क राख्ने गरेको सर्वेक्षणले देखाएको छ । यस्तै अष्ट्रेलियन महिलाहरुले औसतमा ११ पुरुषसँग यौनसम्बन्ध राखेको गरेको देखाएको छ । सर्वेक्षणले चिनियाँ पुरुष तथा महिलाहरुले जीवनकालभरिमा औसत ५ जनासँग शारिरीक सम्बन्ध राख्ने गरेको कुरा पनि खुलासा गरेको छ । नयाँ सर्वेक्षणले बेलायतका पुरै युवावर्गमध्ये आधा समूहले पहिलो पटक शारिरीक सम्पर्क राख्दा खेरी कन्डमको प्रयोग गर्ने गरेको तथ्यांक पनि खुलासा गरेको छ । जवकी अमेरिकी युवा समूहको ४० प्रतिशत, फ्रान्समा ३५ प्रतिशत, ग्रिसमा ६६ प्रतिशत र थाइल्यान्डमा ६५ प्रतिशत युवावर्गले कन्डमको प्रयोग गर्ने गरेको तथ्यांक पनि सो सर्वेक्षणले देखाएको छ ।