तपस्बी रामबहादुर बम्जनद्धारा तपस्या पुरा भएको घोषणा

आज बाट १५ दिन सम्म आफुले ६ बर्षको तपस्याबाट प्राप्त गरेको ज्ञान बांड्ने

काठमाडौं, ६ जेठ (दैनिकी)

बारा रतनपुरीका तपस्बी रामबहादुर बम्जनले आज आफ्नो तपस्या पुरा भएको घोषणा गरेका छन् । ६ बर्ष देखि तपस्यामा रहेका बम्जनले आज बाराको रतपुरीमा आयोजना गरीएको बिशेष प्रवचन कार्यक्रममा आफ्नो ६ बर्ष लामो तपस्या सम्पन्न भएको घोषणा गरेका हुन् । बम्जनले बाराको रतनपुरमा २ बर्ष र बाराकै हलखोरिया दहमा ४ बर्ष गरी ६ बर्ष सम्म ज्ञान प्राप्तिका लागी तपस्या गरेको बताईएको छ ।

स्थानीय बोधि श्रवण धर्म संघले आयोजना गरेको धार्मिक प्रबचन कार्यक्रममा उनले आज बाट १५ दिन सम्म आफुले ६ बर्षको तपस्याबाट प्राप्त गरेको ज्ञान बांड्ने बताइएको छ । तपस्याकै क्रममा स्थानीय गाउलेलाई कुटेर बम्जन विवादमा पनि आएका थिए । आफ्नो तपस्या विथोल्न आएको भन्दै उनले एक दर्जन गाउलेमाथि हातपात गरेका थिए ।